OPINIÃO: JOMAV MISTI CERCA DJINTIS TUDO DI GUINÉ PA I PUDI FICA EL SOM NÉS TERRA LI! TUDO HORA EL SOM KU TEM RASSON, EL I HOMEM MAIS HONESTO, EL SOM KI PERFEITO, EL SOM NINGUIM MAS. MINTIDA GORA KI CONTA PABIA NINGUIM CA NA SAI DI LI. LI GORA KU NÔ NA STA TUDO NÔ BATA RINKA UMTRU UDJU NA CABEÇA

Infelizmente, nô Presidente na contribui pa aprofunda crise nés terra
li ku nô djunta. I ca possivel pa Presidente de República está envolvido
na tudo cussa. Aliás i ca fisicamente possivel, i ca mentalmente possivel
i nim i ca espiritualmente possivel. I suma Jomav misti fassi kila
enton n'ka pudi apoia Jomav nim aonti, nim aós nim nunca. Jomav
el ki detentor da verdade absoluta. El i mas tudo djinti djiro ma nim ku
sim i pui nô pirdi 1.5 biliões de USD$. És tudo pabia di inveja, intriga
e calúnia cu cunssa pa Baciro Djá ma i alimentado pa propri Jomav.
Gossi, desejo de Jomav i pa anôs tudo nô sai néss terra li pa nô dissal
el som cu si djintis pa é pudi fassi ki ké misti. Kila gora i pura mintida,
isso é mentira tio Zeca. Li ninguim ca na sai di li i nim ninguim ca na
dissau bu governa em paz. Pui éss na bu cabeça pabia bu mandato sim
assim som ki na bai tok i ta caba. Bu na tené prublema tudo dia cu sol
na mansi tok abô nam cu na bim ruma bu mandúcias pa sai di Guiné.

Nanda Lopes