2º EPISÓDIO
Guinendade: Ké i contau na ki momento ké cu bô na bai
fassi ba na aeroporto a 1 de madruga?
Bacar: Não i ca falam.
G: Bu ca puntal gora?
B: Não
G: Ma bu ca desconfia ba gora?
B: Não n'ca pudi desconfia pabia n'ca sibi i ké. Kuma ku bu
pudi desconfia si ki alguim i bu amigo i di pus i misti djudau?
N'pensa kuma nô na bai som djuda Brancos ku na bim pa
ilha di bubaque.
G: Ok continua.
B: N'fica na cassa ku ki gajo quase senegales i kila fica na
fassim perguntas manga del. Ma suma n'ca bai ba pa cedo
entrevistado n'rabida n'cala nha boca di cumé bianda.
N'ruspundil som dus bias n'cala djanan. Anta el i jornalista?
El som cu fica i na papia tok n'djungo. Nha colega bim bim
12:30 pa nô bai pa aeroporto de bubaque.
G: Bô bai ku ki si amigo senegalês
B: Ma n'falau kuma kila i ca senegalês kila i quase senegalês
G: Sim, ma bô bai cu el ?
B: Ya
G: Ké i cumpanha bôs?
B: Ya
G: Quanto hora cu bô tchiga aeroporto di Bubaque?
B: Ma i ca lundju. Kila i menos de 15 minutos
G:Contra bô tchiga lá gora ké ku passa?
B: Nada ca passa. Nô sinta na tchon.
G: Ma até lá bu amigo ca contau nada?
B: I falam som cuma nô na ricibi um hospedes é na tissi
uns cussas nô na djudal elis é tiral di avioneta i dipus si
amigo quase senegalês na djudano.
G: Ké ku falal gora?
B: Nada n'ka falal. Falal som i sta bom.
G: Dipus gora.
B: Dipus di no sinta quase dus hora di tempo nô odja alguim
bim ku m gerador na um carro. I um gajo ku cria mal rosto
tam medunho cu el. I tissi gerador ku 20 holofotes ku fio
garandi di manga di metros. Ma antis di kila é nha amigo
na papia ba na telefone ku alguim. i falal i sta tudo ok som
dipus di kila ké gajo bim tchiga.
G: Anh?
B:Sim! Nô djudal na tira ki fios garandi dimas i estical na
pista ku ki holofotes i pul na ki pista terra batida de aeroporto
de bubaque. Nô passa quase 30 minutos na pul ki fios ku
holofotes i na fassi ki montagem. Contra ki senegalês da som
autorização nha amigo dicidi ranca gerador. Contra i ranca
gerador luz cindi logo. Cincio minutos dipus luz paga. Anôs
tudo nô panha raiba di gerador. Afinal ki senegalês ele i
eletricista i bim n'djudja n'djudja cussa tok i cumpu.
G: I kumpul drito?
B:Drito nan! Gerador ka para djanam i luz cindi suma fim de
ano na império. Luz manga del.
G: Ai é?
B: Sim! Pa nha espanto um odja um avioneta passa rápido vuaaamm.
Contra i na bim dja cum odjal ma drito i la i bim camara lenta
camara lenta tok i tchiga i aterra. Quer dizer i passano i bai som dipus
di 5 minutos ki ria i aterra.
G: Ma contra i na aterra i fassi barudjo?
B: Mbé baruddjo mal nan! I dus branco cu sai lá de avioneta.
É papia cu ki gajo quase senegalês i ku ki utro i dipus kila fala
nha amigo pa nô aproxima na avioneta.
CENAS DE PRÓXIMO EPISÓDIO
0 comentários:
Enviar um comentário