Por Abdulai Keita[]
Kada Kussas propi ki n’obi dja dêdi dia 19 di ês mis di Abril. Kuma kandidatu di MADEM-G. 15 pa pustu di Vice-Presisenti di Mesa di ANP kai na votasson. Y ka passa. Y, djintis na papia-papia. Kada guin na fala di sel. Utru até kuma impasse kumsa mâs. Nada di tudo.
Pabia, kê, na Guiné-Bissau ki kussa di konstituí Mesa di Parlamentus na mundu n'ventadu na el. Ô, alguin tchiga di pensa, kê ki manda kandidatus pa pustus di 1º ku di 2º Vice-presidentis y di 1º Sekretário (y mâs utrus) tem ku elegidu sempre (kasu di Guiné-Bissau) na tudu mundu? Y, ora ki eligidu, y pudi passa son ku Maioria absulutu. Kila, dipus di y faladu kuma, kada Partido tem ku tene si lugar lá na Mesa di Parlamentu, segundo si representatividadi na Parlamento (idem; kasu di Guiné-Bissau).
Gôs nô pensa dê n'bokadu, kê ki pui legisladuris di tudu mundo kria ês kondicionalidadi. Kê y pa brinkadera?
Nau! Y pa kin ki tene Maioria absolutu, resultante di eleições, ô di um situasson di eleições, y tem ku mati na kudji, pa y pudi, y, pa y influencia processu di kudji kin ki oposisson na pui na kil ki faladu Órgão di Mesa di Parlamentu.
Purfiaduris pa ê bai djumpini na "Bundestag" alemau di sê atual XIX Legislatura (kê ta fala "19. Bundestag"). Ê tene mesmu, y identiku prubulema suma ês ki kumsa na kumsa sim ku nôs. Ê tenel lá disna, ku sê 3º Partido mâs votado na ês sê atual XIX Legislatura. Pabia, kilis ki têne Maioria Asulutu tchumba dja 6 bias (6 rondas eletivas), 2, di kandidatus propostadus à ripitisson, pa ês tal 3º Partido mâs vontadu (“AfD” = “Alternativa pa Alemanha” ki y tchomadu). Pa grupu di Maioria Asulutu, prubulema y kuma, têmenti ê ka tissi kandidatu ki pacífico parêlis ê na bedju lá.
Pabia kussa na dura dja dêdi dia 24.10.2017, tê aôs. Últimus eleições alemaus fassidu na dia 24.09.2017. Dêdi lá, “Bundestag” na tarbadja tê aôs. Y na tarbadja sim Vice-Presidenti di AfD ki stá na manias, manhas, ku mangasson. Pabia Maioria Absulutu tem na Órgão di Mesa di Parlamentu. Assim ku Demokracia.
Ba nhus odja. Assim ki DE-MO-CRA-CI-A! Y, y kuma kin ku ka n'tindi ês, y ka n'tindi nada inda.
Obrigado.
A. Keita
0 comentários:
Enviar um comentário